Institushonnan finansiero ta obligá pa duna dato na e outoridat fiskal segun e Common Reporting Standard (CRS). E dato aki ta tokante kuentanan di persona i organizashonnan ku ta (posibel) debe paga impuesto na un país estrañero.

Pa ‘institushon finansiero’ nos ta referí na un institushon di depósito, un entidat di invershon, òf un kompania di siguransa espesífiko.

Sierto institushonnan finansiero, inkluíendo sierto entidadnan gubernamental i fondo di penshon, no tin e obligashon di duna dato tokante nan klientenan. Mas informashon tokante esaki por wordu haña den LIBB.

Institushonnan finansiero ku no ta eksentá di porfórese dato pa CRS mester registrá na e Outoridat Fiskal.

Bo mester registrá na e Outoridat Fiskal, manera un institushon finansiero, den e situashon ku bo tin pa duna dato pa CRS.

Si bo no ta eksentá di porfórese dato pa CRS, pero no tin dato pa raporta? Bo mester registrá ku e Outoridat Fiskal di tur manera. Den e kaso aki, e lo keda un registrashon di un biaha. Pero, bo tin pa raporta atrobe na bo mes iniciativa si e situashon kambia.

Kontakto ku e Outoridat Fiskal

Bo por manda un email na: info.aeoi@gobiernu.cw.

Den e Gidanan di FATCA/CRS bo lo haña informashon tokante ken mester porfórese dato i ku dato e ta trata.

Bo no ta sigur si bo ta un institushon finansiero òf si bo mester duna dato? Konsultá ku bo konsehero fiskal.