Registro Sentral di Tèstamènt

Tema

  • Registrashon di tèstamènt trahá
  • Suministrá informashon for di registro di tèstamènt

Grupo di enfoke

Públiko en general i notarionan (di tur país di eks-Antias Hulandés inkluso Aruba)

Meta

Na Registro Sentral di Tèstamènt ta ehersé siguiente trabou:

  • Registrá testamènt ku notario a traha e luna anterior. Aki ta trata registrashon di tèstamènt di notarionan di tur isla di eks-Antia Hulandés inkluso Aruba;
  • Suministrá informashon for di e Registro Sentral di Tèstamènt na públiko i notarionan. Esaki ta sosodé den forma di un asina yamá Deklarashon di Tèstamènt (“Testamentverklaring”).

Prosedura (adaptá) di petishon na Registro Sentral di Tèstamènt

E Deklarashon di Tèstamènt ta nesesario pa repartí herensia, òf pa prepará un Deklarashon di Derecho di Propiedat (Verklaring van Erfrecht). Den e deklarashon, ta indiká si tin òf no tin un tèstamènt trahá, i si ta asina, e fecha riba kual a traha e tèstamènt i serka kua notario. E Registro Sentral di Tèstamènt no ta outorisá pa divulgá e kontenido di e tèstamènt, pero ta indiká si si e persona ku a fayesé a traha un òf mas tèstamènt i serka kua notario e tèstamènt(nan) aki ta wardá.

Pa hasi petishon pa risibí un deklarashon di Registro Sentral di Tèstamènt ta hasi lo siguiente:

1. Subi e wèpsait di Registro Sentral di Tèstamènt www.minfin.cw/registro-sentral-di-testament ;

2. Download e formulario modèl E i yena i skèn esaki;

3. Hasi bo pago online na e montante di NAf 25,- (pa kada petishon) via di bo banko pa e kuenta* di Ontvanger, por fabor menshoná e number di ID di e persona ku a fayese den deskripshon di  transferensia;

4. Ta obligá di manda un  e-mail simultaneamente pa tur dos  instansha:

Por fabor menshoná komo tópiko (subject) number di ID di e persona ku a fayesé  pa kual ta hasiendo e petishon den  e e-mail.

5. Por fabor sigurá ku ta añadí siguiente dokumentonan den e-mail ariba menshoná (mas teksto den e e-mail no ta nesesario):
a. Akta di fayesimentu/Overlijdensakte (optenibel na Kranshi); Si e overlijdensakte ta datá promé ku aña 2000, mester pone aserka tambe e akta di nasimentu (geboorteakte) óf “basisuittreksel” di  persona ku a fayesé;
b. Skèn di e formulario modèl E (kompletamente yená);
c. Komprobante di pago di Naf 25,-.

Despues di a hasi e petishon konforme e sinku puntonan menshoná, por spera e Deklarashon di Tèstamènt denter di dos siman riba e mesun e-mailadrès, ku a uza pa hasi e petishon. Den kaso di mas pregunta por yama Registro Sentral di Tèstamènt den siman durante e orarionan 08.30 – 11.30’or i 14.00 – 16.00’or na e number di telefòn: 432-8317.

Nota: e proseduranan aki ta pa kada deklarashon individual!

* Numbernan di kuenta lokal di Ontvanger:

MCB: 23329507                Giro: 1500047                         SFT Bank: 502310.001

RBC: 01.04.14.6229         ORCO Bank: 1081290195       BNA: 191181030

First Caribbean International Bank Curaçao (CIBC): 1002423        Banco di Caribe: 306495.01

Numbernan di kuenta bankario di Ontvanger inkluso kódigo di SWIFT BIC pa klientenan ku kier hasi nan pago for di eksterior:

Centrale Bank van Curaçao en Sint Maarten                 CBCSCWCU 191181030

MCB Bank                                                                       MCBKCWCU 23329507

Giro Bank                                                                        GIRCCWCU 1500047

SFT Bank                                                                        CITCCWCC 502310.001

BDC                                                                                 BDCCCWCU 306495.01

Orco Bank                                                                       ORBACWCU 1081290195

RBTT Bank                                                                      RBTTCWCU 01.04.14.6229

FCIB-Bank                                                                       FCIBCWCU 1002423

 

Dokumentonan nesesario pa petishon

Pa por risibí un deklarashon di testamènt mester entregá, pa kada fayesido, siguiente dokumentonan:

  1. Kopia di e akta di fayesimentu (“overlijdensakte”) optenibel na Kranshi. Por fabor nota ku riba esaki tin e fecha di nasementu di e persona ku a fayese tambe;
  2. E formulario modèl E (download esaki mas abou riba e wèpsait aki);
  3. Komprobante di pago di NAf 25,- (pa kada petishon).

Instansia

Registro Sentral di Testamènt ta inkorporá den Sektor di Asuntunan Fiskál:

Sector Fiscale Zaken
Pietermaai 4/4a
Registro Sentral di Testamènt
Number di telefòn: 432-8317
E-mail: inzage.testament@gobiernu.cw
Wèpsait: www.minfin.cw

Orario di servisio

Di djaluna pa djabièrnè di 08.30 – 11.30 ‘or i di 14.00 – 16.00‘or

Durashon di petishon

Por lo general kada petishon ta dura 2 siman prome ku esaki keda kla. Den kaso ekstremo atendementu di e petishon por dura algu mas largu.

Gastu pa kada petishon

Formulario modèl E NAf 25,-
Akta di fayesimentu NAf 20,- riba kual mester tin fecha di nasementu di e persona ku a fayesé; si esaki no ta e kaso, mester di un akta di nasementu tambe, ku ta disponibel na Kranshi pa NAf 20,-.

Partikularidat

Por download formulario modèl E via di e wèpsait aki (por fabor lesa tambe e parti di e prosedura pa petishon pa ku e pago si download e formulario).

E akta di fayesimentu (“overlijdensakte”) i tambe akta di nasemento ta optenibel na Kranshi. Riba e akta di fayesimentu promé ku aña 2000 no tin e fecha di nasementu. Den kaso ku ta trata di un akta di fayesimentu promé ku aña 2000 e persona ku ta hasi e petishon adishonalmente mester entregá e akta di nasementu òf buki di famia.

Sektor di Asuntunan Fiskál no tin funshon di kaha, pues no por hasi pago aki.

Formulario pa hasi petishon Model E Regisrto Rentral di Testament

PAP