E Dekreto Nashonal pa introdusí e portal pa mèldu goAML a drenta na vigor dia 1 di yanüari 2021. E Dekreto ta indiká ku tur persona òf organisashon ku tin deber di mèldu serka Financial Intelligence Unit (FIU) mester hasi esaki den forma digital, na ingles, via di e portal pa mèldu goAML di FIU. Pa por mèldu e persona òf organisashon mester a registrá su mes kaba den e portal pa mèldu goAML. Riba e sitio wep di FIU, www.fiucuracao.cw, por haña informashon tokante kon mester registrá den e portal pa mèldu goAML i tambe kon mester mèldu den e portal pa mèldu goAML. E Dekreto Nashonal tambe ta disponibel riba nos sitio wep, inkluyendo e nota di splikashon ofishal. Den e nota di splikashon, gobièrnu, tambe ta kontesta preguntanan hasi dor di e Konseho di Asesoramentu (“Raad van Advies”) den su konseho riba e Dekreto Nashonal.

– Pa pregunta tokante nos portal nobo pa mèldu goAML: manda un e-mail pa goaml@fiucuracao.cw

– Pa pregunta pa e departamento di análisis: manda un e-mail pa analysis@fiucuracao.cw

– Pa pregunta pa e departamento de supervishon: manda un e-mail pa supervision@fiucuracao.cw

– Pa tur demas pregunta i problema: manda un e-mail pa info@fiucuracao.cw

– Tambe por buska kontesta riba bo pregunta riba nos sitio wep: www.fiucuracao.cw