Nos ta aserkando stap 5 di e 5 stapnan pa yega  na e portal nobo pa mèldu, goAML. E último dia ku por mèldu transakshonnan no usual  i tambe último dia pa manehá petishonnan pa korekshon, hasi dor di FIU Curaçao, i  pa koregí transakshonnan den e portal di Corsys ta dia 31 di desèmber 2020. For di dia 1 di yanüari 2021 lo no ta ta posibel mas pa usa e portal   Corsys.  Konsekuentemente despues di e fecha ei entidatnan ku ta mèldu lo no tin akseso mas  na e lokual ku nan a a mèldu anteriormente den Corsys. Kuminsando dia   1 di yanüari 2021 tur entidat ku mester mèldu por hasi esaki solamente via e portal nobo pa mèldu, goAML.

Durante e último 5 lunanan di aña  2020, FIU Curaçao a produsí i distribuí diferente, foyeto, anunsio, karta i tambe a tene numeroso training “online” tokante  e introdukshon di e portal pa mèldu goAML. Plis tuma bon nota di tur informashon disponibel riba e wèpsait ,www.fiucuracao.cw , pa asina nos por tin un transishon suave kuminsando dia 1di yanüari 2021.

TUMA NOTA:  Den e  último kuartal di 2020 tur entidat ku tin obligashon di  mèldu lo mester bolbe registrá den e portal nobo pa mèldu goAML pa nan por sigui mèldu transakshonnan no usual despues di  1 di yanüari 2021.

FIU Curaçao a introdusí un e-mail adrès speshal pa e entidatnan ku mester mèldu por usa pa preguntanan spesífiko, i otro petishonnan pa informashon, tokante e proyekto di goAML: goaml@fiucuracao.cw. Pa preguntanan general tokante mèldumentu na FIU Curaçao, plis lesa e informashon tokante esaki riba nos wèpsait (www.fiucuracao.cw) òf tuma kontakto ku nos via analysis@fiucuracao.cw, òf via telefon: 4626588.