Bo tin algun pregunta? Klek riba e siguiente link.
Tuma kontakto >Publiká riba 7 September 2020
FIU Curaçao ta trahando di un forma diligente riba e proseso pa implementá su portal nobo pa mèldu: goAML.
Kuminsando promé di yanüari 2021, e portal nobo aki lo remplasá kompletamente e portal aktual pa mèldu di FIU Curaçao: Corsys. Aktualmente, FIU Curaçao ta tèst e sistema nobo ku un grupo selektá di organisashon ku ta mèldu. E sistema di goAML, ku a desaroyá spesialmente pa FIUnan dor di “United Nations Office on Drugs and Crime (UNODC) i ku ta usa pa hopi FIU rònt mundu, no solamente ta un portal pa mèldu pero tambe lo sirbi komo un medio nobo di análisis pa FIU Curaçao i tambe komo un plataforma di komunikashon entre FIU Curaçao ku entidatnan ku ta mèldu, nan supervisornan di AML/CFT i otronan envolví.
Den próksimo lunanan, FIU Curaçao regularmente lo duna aktualisashon (“update”) riba su wèpsait, via di medionan di komunikashon i via e-mail, pa informá esnan ku ta mèldu, nan supervisornan di AML/CFT i otronan envolví, tokante e proseso di implementashon di e portal nobo i su konsekuensia pa e entidatnan ku ta mèldu. FIU Curaçao lo prepará algun seshon di informashon / oportunidat pa treining di kapasitashon pa tur sektor i lo duna guia na su debido momentu kon tur esnan ku ta mèldu lo mester (bolbe) registrá den e portal nobo durante e último trimèster di 2020, pa asina por fasilitá un transishon sin problema promé di yanüari 2021.
Tur entidat ku ta mèldu mester (bolbe) registrá, den e portal nobo: goAML pa mèldu, den e último trimèster di 2020, pa tin e posibilidat pa mèldu transakshon no usual kuminsando promé di yanüari 2021.
For di dia 31 di desèmber 2020, niun nabegador di internèt (“internèt browser”) lo sostené Adobe Flash. E reproduktor aki (Adobe Flash) ta rekerí pa por hasi uso di Corsys, e portal aktual pa mèldu. Konsekuentemente, despues di e fecha ei, e portal aktual pa mèldu lo no ta aksesibel mas pa entidatnan ku ta mèldu. Mèldumentu di transakshon no usual, for di promé di yanüari 2021, lo mester hasi na forma elektróniko via e portal nobo goAML. Ademas, e entidatnan ku ta mèldu lo no tin akseso mas na nan reportahe di transakshon no usual, ku nan a mèldu via Corsys, despues di e fecha ei.
Tuma nota: FIU Curaçao aktualmente ta risibiendo hopi petishon pa yudansa di parti di entidatnan ku ta mèldu ku ya kaba a kuminsá haña problema pa haña akseso na Corsys, ora nan ta usando Google Chrome komo nabegador di internèt (“internèt browser”). Ta rekomendá e entidatnan aki pa kambia di nabegador pa por trata di resolvé e problema di e forma ei, promé ku dirigí un petishon di yudansa na FIU Curaçao. Por huza por ehèempel ‘Internet Explorer’ òf ‘Mozilla Firefox’.
FIU Curaçao a introdusí un e-mail speshal pa por risibí pregunta spesífiko i petishon di informashon di parti di entidatnan ku ta mèldu tokante e proyekto di goAML: goaml@fiucuracao.cw.
Pa pregunta general por fabor konsultá e informashon ku tin riba nos wèpsait (www.fiucuracao.cw, bou di e tab REPORT) òf tuma kontakto via analysis@fiucuracao.cw, òf via telefòn: 4626588.