Bo tin algun pregunta? Klek riba e siguiente link.
Tuma kontakto >Publiká riba 24 September 2019
Ministerio di Finansa den koperashon ku Inspekshon di Impuesto i Landsontvanger a hasi hopi esfuerso pa por reanudá nan servisio na publiko. Entretanto tin diferente lokalidat kaminda ta duna servisio temporal na públiko. Aki ta duna un bista di e servisio ku ta duna i na kua lokalidat.
Landsontvanger
Ontvanger a kuminsá duna servisio na CPost Punda entrante 19 di sèptèmber 2019.
Pago di belasting i prima
Por hasi tur pago di belasting i prima manera Inkomstenbelasting,
Omzetbelasting, Winstbelasting, Onroerendezaakbelasting, AOV, Cessantia,
Depósito di Vreemdelingen i tur otro tipo di pago na lokèt di Ontvanger
na CPost Punda, Plasa Wilson “Papa” Godett 1.
Pago di impuesto i prima ta kontinua normal via di banko i PAGOmátiko.
Duna informashon
Informashon general ku tabata duna na bali di Ontvanger, manera
“debiteurenoverzicht”, dokumento di “betalingsgedrag”, stèmpel i
formulario di “definitief vertrek” ta tuma lugá na e bali di Ontvanger na Cpost.
Tambe por entregá karta pa Ontvanger, stèmpel aangifte, entregá kopia di
Bezwaarschrift i otro dokumento destiná pa ontvanger.
Pago di number di outo
Pa loke ta trata belasting pa outo. Entrante djaweps 19 di sèptèmber por hasi
pago di number pa vehíkulo nobo solamente na lokèt di Ontvanger na CPost
Punda.
Na lokalidatnan temporal di Ontvanger na Girobank Scharloo, ACU i
CPost Groot Kwartier lo no por hasi pago di number pa vehíkulo nobo mas.
Tur otro pago di number di outo ku tabata hasi na diferente lokalidat di
Girobank, ACU i CPost lo sigui normalmente.
Servisio na lokèt di Ontvanger na SVB
E lokalidat na SVB lo sigui duna siguiente servisio:
– kambio di vehíkulo pa otro doño (“overschrijving”);
– buska plachi di number pa vehíkulo nobo;
– entrega plachi di number;
– benta di stampia i “dokterverklaring” pa reibeweis.
Orario di bali i kaha na Cpost
Orario di bali di Ontvanger na CPost Punda ta 7:45 pa 11:30 i 13:45 pa 15:30
Orario di kaha di Ontvanger na CPost Punda ta 7:45 pa 15:30
Ontvanger su number di telefòn na Cpost ta 433-1111
Orario di bali i kaha na SVB
Orario di kaha di Ontvanger na SVB ta 7:45 pa 11:45 i entre 13:45 pa 15:30.
Ontvanger su number di telefòn na SVB ta 434-4100.
Inspekshon di Impuesto
Inspekshon di Impuesto a alargá e término pa empresario pa hasi aangifte i pago di OB i LB te ku djabièrnè 20 di sèptèmber 2019
Pa e empresario
Djaluna 16 di sèptèmber 2019 ta e último dia pa hasi aangifte i pago di omzetbelasting, loonbelasting i primanan sosial over di ougùstùs 2019. Relashoná ku e situashon di hospedahe temporal di Inspekshon di Impuesto i Ontvanger a alargá e término pa entregá deklarashon di Loonbelasting i Omzetbelasting te ku djabièrnè 20 di sèptèmber 2019. Por fabor tuma nota di esaki.
Unda empresario ta hasi aangifte
Por hasi aangifte di pago di omzetbelasting, loonbelasting i primanan sosial tantu na:
• lokèt di Inspekshon di Impuesto na Pietermaai Parkingmall unit 16a i 16b;
• lokèt di Ontvanger na Cpost na Punda.
Fecha nobo pa entregá deklarashon di entrada (Inkomstenbelasting) a bira 2 di desèmber 2019
Pa esun ta kobra salario
Te ahinda Inspekshon di Impuesto no por duna e servisio nesesario pa klientenan por hasi deklarashon di entrada online. P’esei a hala e tèrmino di entregá deklarashon di entrada (aangifte inkomstenbelasting) di djaluna 16 di sèptèmber pa e fecha nobo ku ta djaluna 2 di desèmber 2019.
Entregá dokumento
Pa entregá dokumento manera deklarashon di entrada, verzoekschrift òf bezwaarschrift klientenan por akudí na e ofisina temporal di Inspekshon di Impuesto na Centrale Debiteurenadministratie den edifisio di Pietermaai Parking Mall Unit 16A i 16B na Pietermaai. Ora di ofisina ta 08.00 te ku 11.30’or i di 14.00 pa 15.30’or. Pa informashon por yama number 432-8400.
A habri un ofisina na WTC pa atende deklarashon di entrada
Pa mayor ku yu ku ta studia ku beka di DUO
Inspekshon di Impuesto a habri un ofisina na WTC pa atende deklarashon di entrada pa mayornan ku tin yu ku ta studia ku beka di DUO. Mayornan mester presentá ku kopia di e ’aangiftebiljet’ 2017 òf 2018 ku a entregá online. Personanan ku bin entregá un deklarashon di entrada di tersera persona, mester presentá ku un apoderashon. Komo e sistema di kòmpüter no ta asesibel ahinda, lo yena e formularionan por lo pronto na man.
E ofisina kaminda ta atende deklarashon di entrada pa mayor ku yu ku ta studia ku beka di DUO ta keda den e filial bieu di MCB na WTC na Piscadera. Oranan di ofisina ta di 08.00 te ku 11.30’or i di 14.00 pa 15.30’or.
Stèmpelformulier pa persona ku ta emigrá
Pa personanan ku mester emigrá, e proseso pa haña e stèmpelnan nesesrio pa emigrá ta komo lo siguiente:
1. Ta bai na ofisina di Ontvanger na Cpost ku un karta di garantia di por ehèmpel e dunadó di trabou, ku lo keda responsabel pa un eventual debe ku keda atras di e persona ku ta emigrá;
2. Si Ontvanger bai di akuerdo ku e karta di garantia, Ontvanger ta stèmpel e formulario;
3. Despues e kliente ta bai na e lokèt di Inspekshon di Impuesto na Pietermaai Parking Mall Unit 16A i 16B, kaminda e ta haña stèmpel di Inspekshon di Impuesto. E aangiftenan di Inkomstenbelasting te ku fecha di emigrashon mester ta hasí.
.