Disponibel na hulandes tambe

Debí na e situashon di bahada di preis di krudo mundialmente, a bin espasio pa un bahada den preis di gasolin i diesel, pero tambe di awa i koriente. Si e preis stabilisá riba e nivel aktual, i esaki tradusí su mes den preis di produktonan rafiná, por premirá ku den luna di òktober lo tin un bahada adishonal. 

Preis di gasolin tabata fls. 2.067  i lo bira entrante 1 di sèptèmber fls. 2.018 pa liter.
Preis di diesel tabata fls. 1.264 i lo bira entrante 1 di sèptèmber 1.132 pa liter. 

Preis di awa tabata fls 9,9739 pa meter kúbiko i  entrante 1 di sèptèmber lo bira fls. 9,8223 pa meter kúbiko.

Preis di koriente tabata fls. 0,5811 pa kWh i entrante 1 di sèptèmber e promedio lo bira fls. 0,5568 pa kWh.

Pa loke ta toka preis di gas, aki a detektá espasio pa aprobá un bahada supstansial di e preis apliká riba merkado, ku e meta pa trese  alivio pa komunidat. 

Bòm di gas di 100 lbs tabata fls. 60,- pa bòter i lo bira entrante 1 di sèptèmber fls. 50,- pa bòter; meskos tambe e bòter di gas chiki di 20 lbs tabata fls. 13,50 kual lo bai bira 10,00 pa bòter  entrante 1 di sèptèmber próksimo.