Disponibel na hulandes tambe

Djaluna 9 di  novèmber último,  Parlamento a aprobá e legislashon kaminda Kòrsou ta kumplí ku regla i standartnan internashonal den área finansiero.

Den kuadro di “Caribbean Financial Action Task Force”, konosí komo CFATF, a hasi ahuste nesesario den kuadro legal, pa asina evitá ku Kòrsou lo por bira un plataforma pa aktividat finansiero ku karakter di ilegalidat.

Pa medio di ahuste den kuadro legal, e bon nòmber di Kòrsou komo hurisdikshon ta keda garantisá.
Komo resultado di esaki, e Sektor Finansiero Internashonal por sigui desaroyá su aktividatnan aki na Kòrsou, kual lo benefisia ekonomia.

Finalmente, adaptando nos sistema di lei na norma i standartnan internashonal vigente, ku tabata un punto di atenshon ku pa hopi tempu no a haña e atenshon nesesario, sigur último tempu ta logrando  desaroyo importante.

Esaki a materialisá den kambionan deseá den nos legislashon den reunión di parlamento djaluna mèrdia.