Den luna di mart último, Minister di Finansa, señor Kenneth Gijsbertha, a bolbe pone enfasis riba importansia di union i efisiensia den un Organisashon di Impuesto integrá. Esaki no solamente pa loke ta trata e proseso interno, pero prinsipalmente pa por laga e kontribuyente di impuesto benefisiá na momentu ku por prosesá su deklarashon mas lihé.

Den kuadro di e efisiensia aki, Landsontvanger a tene un “soft opening” di su filial nobo na Eden Mall. E ofisina aki ta un punto di pago, kaminda  por paga di tur tipo di impuesto. Eden Mall ta un sentro komersial, ku ta keda riba Caracasbaaiweg  na altura di entrada di Kaminda Duvert Boy Nicolina ku ta kondusí na Montaña. E filial aki ta hasi posibel ku kontribuyentenan di e area aki, por keda yudá mas lihé.

Minister di Finansa ta orguyoso di e logro aki i ta yama tur empleado envolví danki pa e bon trabou. “Un biaha mas, ta trahando huntu só nos por a logré”.

Riba pòrtrèt drpd: Hefe di Landsontvanger señor Alfonso Trona i Minister di Finansa Kenneth Gijsbertha na apertura di filial nobo di Landsontvanger.