Medidanan di prekoushon pa garantisá protekshon di personal i servisio na komunidat durante krisis di Coronavirus

Te ku próksimo aviso no ta tuma faktura ni dokumento na Pietermaai 4 – 4A, Pietermaai 17 i Pietermaai 16 (Pietermaai Parking Mall). Mester entregá tur faktura i dokumento solamente via e sistema digital na siguiente emailadrèsnan.

Pa faktura mester manda esaki na siguiente emailadres: factuur@gobiernu.cw

Registro Sentral di Tèstamènt
Pa hasi petishon pa e “verklaring uit het testamentenregister” mester di siguiente dokumentonan:
1. Kopia di overlijdensakte (optenibel kranshi) of, si e overlijdensakte ta datá prome ku aña 2000, mester di geboorteakte of basisuittreksel di sea Kranshi òf Archivo Nashonal.
2. Formulier model E (mester kumpra na lokèt di Ontvanger na SVB pa NAf. 25,-)

Mester mail tur dokumento rekerí via: inzage.testament@gobiernu.cw

Sektor di Asuntunan Fiskal
Pa tur loke ta petishon ku ta regardá Sektor di Asuntunan Fiskal, mester uza siguiente emailadrès: fiscalezaken@gobiernu.cw

Sektor di Maneho Finansiero i di Presupuesto
Pa dokumentonan destiná pa Sector Financieel Beleid en Begrotingsbeheer i Beleidsorganisatie di Ministerio di Finansa, mester uza siguiente emaildres: documenten.financien@gobiernu.cw

Centrale Debiteurenadministratie (CDA)
Pago ku mester hasi na Centrale Debiteurenadministratie (CDA) pa Horecavergunning i Afvalstoffenbelasting nos ta pidi pa preferibel pa hasi uzo di Online Banking.

Na Pietermaai balinan ta habrí solamente mainta
Pa protehá nos empleadonan i públiko, nos serviso na nos balinan tantu na Pietermaai 4 – 4A, Pietermaai 17 i Pietermaai 16 (Pietermaai Parking Mall) lo ta habrí mainta di 8’or pa 12’or di mèrdia.
Pa mas informashon por tuma kontakto ku Ministerio Finansa na number 432-8000 i Centrale Debiteurenadministratie(CDA)/Centraal Testamentenregister na: 432-8317/432-8318.