E kurason di kada organisashon ta su rekurso humano. Den un enkuentro ku trahadonan di Inspekshon di Impuesto, minister Silvania a keda toká pa  puntonan di atenshon ku e empleadonan a trese dilanti i ku ta opstakulisá produktividat di  e organisashon. E trahadonan a keda sumamente agradesido ku minister a duna oido na nan preokupashon i señor Silvania, na su turno, a komprometé su mes di atende e puntonan aki di un forma mas diligente posibel pa finalmente e trahadó por traha ku mas satisfakshon, kual ta kontribui na hisa produktividat.