Bo tin algun pregunta? Klek riba e siguiente link.
Tuma kontakto >Publiká riba 2 September 2019
Willemstad – Landsontvanger ta partisipá ku, entrante awe 30 di ougùstùs 2019, lo kuminsá atendé sierto transakshon, pa loke ta trata Motorrijtuigen Belasting (MRB). Siguiente lokalidatnan, lo ser uzá temporalmente, pa siguiente servisio.
Pa kambionan, ku lo mester tuma lugá por akudi na SVB, manera entre otro:
− Pa kambio di vehíkulo pa otro doño (overschrijving);
− Pa buska plachi di number pa vehíkulo nobo;
− Pa entregá plachi di number di vehíkulo, ora no hasi uzo mas di e vehíkulo riba karetera públiko.
Pa servisionan menshoná por akudí na lokèt di SVB na Otrabanda entre 7:45 pa 11: 45 i entre 13:45 pa 15:30.
Por hasi pago di number pa vehíkulo nobo, solamente na:
• Cpost na Grootkwartier, orario 7:30 pa 16:30;
• ACU na Pater Eeuwensweg z/n, orario 8:or pa 15:30;
• Giro na Scharloo, orario 8:00 pa 15:30.
E servisionan aki lo ta algu temporal, te ora Landsontvanger por reandundá su servisionan.
Tur otro pago di Motorrijtuigen Belasting, ku tabata por a hasi na e instanshanan Cpost, ACU i Giro, lo sigui normalmente.
Inspekshon di Impuesto
Pa loke ta trata servisio di Inspekshon di Impuesto no tin niun kambio. Pa servisio di Inspekshon di Impuesto por akudí na ofisina di Centrale Debiteurenadministratie. Klientenan por bai entregá dokumentonan manera verzoekschrift òf bezwaarschrift.
E ofisina di Centrale Debiteurenadministratie ta keda den edifisio di Pietermaai Parking Mall Unit 16A i 16B na Pietermaai. Pa informashon por yama number 432-8400.
SBAB
Stichting Belastingaccountantsbureau (SBAB) a kuminsá funshoná bèk na Regentesselaan entrante awe djabèrnè 30 di ougùstùs. E edifisio di SBAB te ahinda ta solamente aksesibel pa empleadonan di SBAB. Ta na e momento aki SBAB no por risibí bishita di públiko, debٕí na e investigashon ku outoridat ta hasiendo riba kousa di e kandela. Pero por tuma kontakto ku SBAB riba number 734-2444.