Bo tin algun pregunta? Klek riba e siguiente link.
Tuma kontakto >Publiká riba 29 June 2016
Disponibel na hulandes tambe
Den kuadro di e kontínuo ekspanshon di e konekshon internashonal di Kòrsou, den último siman di novèmber a será dos akuerdo konteniendo lo siguiente:
E tratado di impuesto tin komo meta pa krea un kuadro fiskal duradero entre e dos paísnan, pa di e manera aki invershonan, komèrsio mutuo i pa e funshon di “hub” di Kòrsou por fasilitá nos region ahinda mas. Pa medio di e tratado di impuesto aki, empresanan por plania tantu nan invershonan komo nan lasonan empresarial riba termino largu, i di e manera aki hasi posibilidat di invershon mas atraktivo pa mundu empresarial di ambos país. Ademas mester suprayá importansha di e tratado di impuesto pa e funshon di hub regional. Atrabes di kontenido di e tratado lo hasi posibel pa fondonan di invershon huza Kòrsou komo “hub” pa hasi invershon i ehekutá operashon di finansiamentu pa region di Karibe i Latino Amerika.
Finalmente, e tratado di koperashon i integrashon riba e tereno di Duana ta duna respaldo na e konekshon entre merkadonan di ambos país. Pa medio di e tratado di Duana, e aktividat ekonómiko real lo sigui kresé, dor di sigui strukturá e fluho di bienes i persona entre e dos merkadonan. Di e manera aki ta komplementá e tratado di impuesto ku e tratado di Duana, ku ta dirigí pa krea aktividat ekonómiko real, den kual ambos tratado ta fungí komo un bon ehèmpel di e famoso lema ku OESO (Organisatie voor Economische Samenwerking en Ontwikkeling) ta kargá, kual ta bisa: koperashon mutuo mester kana man na man ku kreashon di aktividat ekonómiko real.
Esaki ta suprayá ambishon di Kòrsou pa no solamente kumplí ku standartnan mas haltu riba nivel internashonal, pero tambe pa duna kontenido apropiá na standartnan internashonal pa esakinan por tin balor agregá lokalmente.
Minister di Finansa ta ekspresá su speransa pa fortifiká e bon koperashon entre ambos país den futuro i sigui konstruí riba esaki na bienestar mutuo di ekonomia di tur dos país.