Bo tin algun pregunta? Klek riba e siguiente link.
Tuma kontakto >Publiká riba 26 July 2016
Disponibel na hulandes tambe
Willemstad- Pagadónan di belasting no tin mester di bai Servisio di Impuesto mas pa entregá nan deklarashon pero por hasi esaki pa tur deklarashon di impuesto i primanan trankil na kas òf na ofisina. Un bishita na Servisio di Impuesto ta bira awor kasi innesesario, dor di hasi uso tambe di e referensia di pago úniko (unieke betaalkenmerk) na momentu di paga deklarashon i aanslagnan preferiblemente online.
Pa un tempu kaba empresarionan por hasi nan deklarashon online pa Impuesto riba ganashi, Impuesto riba benta, Impuesto riba entrada i e ‘verzamelloonstaat’. For di 11 di yüli último ta posibel pa hasi deklarashon online pa e primanan di ZV/OV tambe. Esaki konforme promesa na prensa na mei último. Empresanan por, djawe padilanti, hasi nan deklarashon online pa tur medio: LB/WB/OB/ZV-OV/Verzamelloonstaat.
E oumento di bishita riba e website di Servisio di Impuesto www.belastingdienst.cw ta prueba ku tin interes pa hasi uso di e fasilidatnan online ku Servisio di Impuesto ta ofresé. Si kompará e kantidat di petishon di empresanan ku a apliká pa deklará online di yanüari 2016 te ku yüni 2016, esaki a oumentá 2.7 biaha i a perkurá pa 50% mas tantu deklarashon online kompará ku e mes un periodo di yanüari 2016. Esaki ta mustra un kresementu den e konfiansa di e siudadano i empresarionan den e servisio modernisá di Servisio di Impuesto.
E trahadó awor tambe por deklará su Impuesto riba entrada (IB) online. Riba www.belastingdienst.cw e trahadó por traha un nòmber di usuario fásil hasiendo uso di su crib-number i sobrá informashonnan personal. E informashonnan aki ta bai mesora den un banko di informashon di Servisio di Impuesto.
E periodo di taip tur deklarashon over na man a pasa pa olvido.
Esaki ta kontribuí na un servisio mas mihó i efektivo. Ta rekomendá un i tur pa kuminsá traha un kuenta mirando e echo ku pa 1 di yanüari 2017 ta solamente posibel pa entregá deklarashonnan digital/online. Pues lo no repartí deklarashonnan di papel masalmente mas . Klientenan di Servisio di Impuesto ku mester hasi deklarashon di Impuesto riba entrada pa e añanan 2011 te ku 2014 ainda por hasi esaki online.
Den kaso ku klientenan di Servisio di Impuesto tin mas pregunta tokante deklarashonnan online i òf pa otro pregunta por akudí na e Helpdesk via helpdeskbelastingdienst@minfin.cw òf bèl e number di telefòn 734-2570, durante oranan di ofisina di och’or di mainta pa mitar di diesdos di mèrdia (08:00-11:30) i di dos or di mèrdia pa mitar di kuater di atardi (14:00-15:30).