Disponibel na hulandes tambe

Gobièrnu a indiká na luna di ougùstùs último, ku si preis di krudo i produktonan refiná kontinuá den e trènt di e momento ei, lo por premirá un bahada den algun di e preisnan den luna di òktober próksimo.

E trayekto di bahada di preis di kombustibel a ser konfirmá i konsekuentemente preis di gasolin, diésel i koriente ta baha: gasolin (tabata f.2,018 i ta bira f.1,614 pa liter), diésel (tabata f. 1,132 i ta bira f. 1,098 pa liter)  i koriente (tabata f.0,5568 i ta bira f.0,5139 pa kWh promedio). E preis di awa ta subi (tabata f.9,8223 i ta bira f.9,8462 pa m³ promedio). 

Di e bahadanan e bahada di preis di gasolin ta esun mas suspstanshal. E sistema di adaptá preis ta a base di preisnan relevante riba merkado mundial. Mirando ku preis di krudo i produktonan refiná a bin ta oumenta delaster simannan i si e trènt kontinuá òf e preisnan stabilisá na e nível aktual, lo por premirá un subida den algun di e preisnan den luna di novèmber próksimo.  

Ademas, gobièrnu a bin ta tuma nota di fluktuashon supstanshal di preis di gasolin. I p’esei a enkargá Bureau Telecommunicatie en Post pa studia un sistema pa limitá fluktuashon demasiado grandi den preis.