E tareanan di Ministerio di Finansa ta:

• Sòru pa finansa di Pais i asuntunan monetario.
• Sòru pa asuntunan fiskal tantu nashonal komo internashonal.
• Sòru pa sektor monetario, sektor di krédito i sektor bankario.

E metanan general di Ministerio di Finansa ta:

1. Promové un maneho finansiero i atministrashon finansiero efektivo i balansá pa Kòrsou. Ta trata di un preokupashon kontinuo pa desaroyá i evaluá maneho finansiero. Esaki ta pa sòru pa un bon maneho i kòntròl di destinashon di fondo públiko.
2. Sòru pa un maneho fiskal óptimo i balansá i ehekushon efektivo di esaki i di asuntunan di Duana.
3. Promové integridat finansiero dor di kombatí, detektá i prevení labamentu di plaka i finansiamentu di terorismo.
4. Ehersé supervishon riba sektor no finansiero (inkluso interkambio di informashon i mantené kontakto ku supervisornan lokal i estranhero).

Minister di Finansa ta na kabes di Ministerio di Finansa. E ministerio ta konsistí di:

E areanan prinsipal di ministerio ta konsistí di:

• E Sektor di Maneho Finansiero i Maneho: di Presupuesto ta responsabel pa fihá e kuadro pa maneho di presupuesto, vigilá i konsehá riba ehekushon di e siklo di planifikashon i kòntròl, pa konsolidá i trahá presupuesto, kuentanan anual, relatonan anual i reportahe. Ademas e direktorado aki ta responsabel pa traha e prosedura di Organisashon Atministrativo i formulá i instrukshonnan pa kòntròl eksterno i ehekutá ouditoria na tur ministerio i pa manehá medionan finansiero di gobièrnu. Esaki ta nifiká maneho di invershon, finansiamentu, pago, entrada, likides, saldo i rísiko (interes i divisa).
• E Sektor di Asuntunan Fiskal : ta responsabel pa preparashon di e maneho fiskal, di legislashon fiskal i tratadonan fiskal, deliberá riba areglonan fiskal internashonal i ehekushon di e tratadonan aki.
• E organisashon di Maneho di Ministerio di Finansa ta responsabel pa desaroyo, evaluashon i inovashon di e siklo di asuntunan di maneho finansiero ekonómiko. Ademas e Organisashon di Maneho ta duna konseho riba asuntunan fiskal lokal i internashonal, polítiko i finansiero ekonómiko.

Organisashonnan ku ta enkargá ku ehekushon ta:

• Inspekshon di Impuesto
• Servisio di Impuesto
• Duana

Ademas e siguiente unidatnan organisatorio ta pertenesé na Ministerio di Finansa:

• Financial Intelligence Unit Curaçao
• Stichting Overheidsaccountantsbureau
• Stichting Belasting accountantsbureau
• Landsloterij
• Banko Sentral di Kòrsou i Sint Maarten
• Konsehero Corporate Governance

Ministerio di Finansa ta instituí pa medio di e Ordenansan Landsverordening ambtelijk bestuurlijke organisatie A.B. 2010 no. 87.